明報APP
報章內容
華置炒恒大「損手」 錄逾57億未變現虧損
標籤：小琴密語
【明報專訊】華人置業（0127）近年專心炒股票債券，但在芸芸投資中，對中國恒大（3333）依然情有獨鍾。不過恒大舊年股價表現麻麻，全年下跌超過三成，華置噚日就公布，由於恒大股價2020年大幅波動，初步估計將會因此錄得57.6億元未變現虧損。
舊年恒大派息 華置收近20億
根據現時會計制度，呢類未變現虧損係毋須直接計入損益帳，即係一日未沽應該都未算輸；不過，公司舊年出售若干證券投資同理財產品，包括年底時賣咗大批債券投資畀大股東、大劉愛妻甘比（陳凱韻），造成約4.1億元已變現虧損淨額，就會喺去年度業績入帳。
好彩嘅係，雖然恒大股價跑輸，但舊年宣告回A無望後繼續派息，結果華置都收返19.7億元現金，足夠抵消番呢啲炒股損失。