明報APP
報章內容
股價未見底 匯豐拒借孖展買匯控
標籤：小琴密語
【明報專訊】匯控（0005）股價早前7連跌，逼近海嘯後低位，連匯豐銀行自己都唔畀客戶借孖展買匯控股票。匯豐銀行網頁顯示，匯控同恒生（0011）將會喺12月7日開始，被剔出該行嘅認可孖展買賣股票名單。最奇怪嘅係，今次只有呢兩隻股份有變動，其他股份都維持不變。匯豐銀行現時提供港股孖展比率介乎30%至60%，大約有超過120隻港股都係60%孖展比率，例如為人熟悉嘅騰訊（0700）等，加埋有超過300隻港股可用孖展買賣。
同系恒生都冇得借
收費方面，現時匯豐尚玉、卓越理財客戶嘅股票孖展年利率就係P（5厘）+1.5厘，運籌理財同個人綜合理財客戶就係P+2.25厘，即係最少都要6.5厘。𠵱家匯控連6厘息都無埋，難道仲有人借孖展去炒隻可能跌穿海嘯低位嘅股票？