明報APP
報章內容
中信里昂：鼠年旺地產股
【明報專訊】中信里昂每年都會發布恒指風水預測，今年都不例外。「執杖官」李貫源就話，今年係金鼠年，鼠嘅八字利好金與土，對恒指係「大吉之兆」。因此，執杖官預計恒指首季嘅開局會幾不錯，不過夏季漲幅會較多，去到第三季就會獲利回吐，至年尾會稍為回落。就行業來講，執杖官就特別看好房地產，認為「房地產」屬土，而「土生金」，因此房地產股今年全年都係利好；醫療衛生股及消費股會喺2月較旺；10月至11月會特別利好科技、電訊及公用事業股，但執杖官提醒各位要特別警惕9月1日及10月21日，話會有不利事情發生喎！
除咗恒指走勢，各位應該更加關心本港來年局勢及特首林鄭月娥的運勢。執杖官就咁答，由於恒指嘅表現不錯，所以香港嘅局勢都會受惠；又由於佢手上冇林鄭嘅八字，只係知道她屬雞，所以就未能預測啦！不過，他最後就加多句：「雞年人今年的桃花運不錯。」風水嘅嘢，就真係信不信由你啦！
email: piano@mingpao.com