明報APP
報章內容
曾俊華落區真派糖
【明報專訊】前財政司長曾俊華在任期間，採取較保守嘅財政政策，曾一度減派糖。估唔到𠵱家離開官場後，反而落區派糖。現時任保泰人壽資深顧問嘅曾俊華，噚日去黃埔派糖，派發6000粒「真保珠」（珍寶珠），宣傳自願醫保計劃。睇真張宣傳卡片，寫住「少少甜頭點可以收貨」，係咪講緊「五大訴求」只得一個唔收貨先？曾俊華就話，佢哋今日派糖，同訴求無咩其他關係，「粒糖都幾好食」。
不過香港人近期似乎想要五大「素球」（訴求）多過派糖喎！曾俊華話，佢哋今次派真糖，「可以𠵱家即刻食」。
特首林鄭月娥計劃下星期落區溝通，到時唔知需要幾多防暴警察陪同保護，睇番當年的特首競選對手曾俊華，噚日落區派糖，都有唔少市民搵佢「集郵自拍」。睇嚟「真普選」就無咁快有啦，大家都吮住「真保珠」先啦！
email:piano@mingpao.com