查實新世界近年每次重選董事，都總有啲董事反對票比較多，好似舊年股東會咁，「彤叔」細仔鄭家成、老臣子歐德昌同梁祥彪都有近三成反對票，今次股東會反對票唔夠4%嘅前景福主席楊秉樑，兩年前反對票比例仲超過三成𠻹。
小琴同老友傾開呢個問題，佢就估計可能都係同「兼職」問題有關，佢話好似楊秉樑咁，兩年前佢仲做緊景福主席，有啲獨立股東可能會擔心佢分身不暇，而紀小姐𠵱家除咗做新世界執董，仲係莎莎（0178）同白馬戶外媒體（0100）獨董，公職就有做緊太平紳士、2023年亞運會臨時申辦委員會委員，最令人印象深刻當然仲有港大校委會委員。
[小琴密語]
