明報APP
報章內容
趙式芝論壇揮舞習主席著作 對「共同富裕」深表認同
標籤：小琴密語
【明報專訊】噚晚商界四位猛人包括新世界（0017）執行副主席鄭志剛、卓能集團﹙0131﹚執行副主席、趙世曾長女趙式芝、時裝界溢達集團品牌及分銷部董事總經理、潘迪生女兒潘楚頴，以及匯豐亞太區聯席行政總裁廖宜建，受邀去港大出席「陳坤耀傑出學人講座」，講下對香港未來25年嘅睇法，即係喺「50年不變」之前，四位商人都睇好香港嚟緊嘅發展，指未來香港與大灣區的合作好樂觀。
席上，趙式芝更加拎出一本習主席著作《習近平談治国理政》的英文版《Xi Jinping： The Governance of China》，佢表示好認同習近平提出嘅「共同富裕」概念，又話應該努力建設一個冇貧困共同繁榮同開放包容嘅世界。鄭志剛就提出喺未來，科技係好重要嘅一環，但並唔係一項挑戰，而是創造價值。佢話喺創新之下，每個人更加有可能創造自己嘅品牌同產品，就好似𠵱家新興嘅非物質同化代幣（NFT）咁！唔知大家又覺得有冇呢個可能呢？
email:piano@mingpao.com