陳坤耀傑出學人講座 鄭志剛趙式芝等同場交流

【明報專訊】香港大學經管學院喺下個星期一傍晚，會舉行「陳坤耀傑出學人講座」，今年的題目係「香港未來25載，不容錯過？」。明年是香港回歸25周年，又或者是2047年之前的25年，到底香港未來25年會如何呢？今次主辦機構請來四位猛人，有新世界發展（0017）執行副主席鄭志剛、卓能集團﹙0131﹚執行副主席、趙世曾長女趙式芝、時裝界溢達集團品牌及分銷部董事總經理、潘迪生女兒潘楚穎、同今年升任滙豐亞太區聯席行政總裁嘅廖宜建。今年搞手之一係港鐵（0066）前主席馬時亨，原來馬時亨當年係陳坤耀的學生，佢哋一班舊生真係夠晒尊師重道，以陳坤耀老師之名搞這個講座。此講座周一會喺港大陸佑堂舉行，以英語進行，馬時亨同港大校委會前主席馮國經會做主持人。小琴係咁倚Google吓，四名講者都是四十左右、未夠五張，未來25年的大部分時間都係佢哋大展拳腳之年，且看佢哋眼中的未來25年香港會如何。