SHOWBIZ / NEWS 娛樂

女粉絲攬實送吻 張家輝遺憾無時間陪妻女旅行

2019/8/20

張家輝(左)與任賢齊互笠高帽。(攝影:鍾偉茵)

4 photos

【明報專訊】張家輝、任賢齊、郭晉安、吳卓羲及陳家樂前晚到黃埔出席電影《沉默的證人》首映禮。張家輝席間跟圍觀市民玩自拍互動,有女粉絲興奮攬實吻他的臉。張家輝又取笑戲中扮壞人的陳家樂一身泥黃色打扮:「你『黃』咗嘞!」引起台下一陣笑聲。有報道張家輝忙拍戲冷落妻女,令太太關詠荷與女兒逛街也悶悶不樂。他笑稱妻女習慣了他工怍忙,有時間會抽時間一家人食飯,但遺憾暑假不能陪女兒去旅行。

記者:鍾一虹

攝影:鍾偉茵

張家輝與任賢齊(小齊)一起受訪。談到戲中連場對打,小齊稱打爛仔交好辛苦,幸好與張家輝有默契,雖然拳腳無眼,但節奏和動作配合到,「家輝好體貼,拎起滅火器、玻璃樽,他會用自己個頭試力,然後才用來打我」。張家輝表示小齊身手了得。小齊卻說:「不過拍攝時天氣太冷,試過做完熱身,好快降低體能,郁兩吓就傷到筋腱,用拐杖個幾月,要大家就我先拍文戲。」張家輝續稱:「當年我拍《激戰》,未拍到戲肉,都斷過手指啦。」

小齊搵張家輝做個唱嘉賓

有報道張家輝忙拍戲,冷落老婆關詠荷與女兒張童,令兩母女逛街也悶悶不樂。他笑說:「她們慣啦,不過我工作後回港,都會抽時間陪她們食餐飯。今年暑假比較遺憾,不能陪女兒去旅行,因為手頭上有好多事情要做,就由老婆帶女兒去旅行。」小齊稱忙巡迴演唱會,但都能抽時間回家探父母,還出外拍紀錄片,剛去完馬來西亞熱帶雨林。在旁的張家輝說:「下次可否帶埋我去?」小齊答應說:「當地居民的生活仍好似明清時代!」家輝搞笑問:「有無廁所㗎?」

提到張家輝日前欣賞容祖兒演唱會時,未有上台獻唱?他解釋道:「我之前一直做宣傳,無時間練歌,你估我真是話唱歌就唱歌咩!我連買衫都無時間。」小齊說:「你得嘅,我開演唱會搵你做嘉賓。」

郭晉安扮基有難度

郭晉安戲中扮演似基非基的殯儀館職員,是荷李活導演Renny Harlin的要求,都覺得有點難度,「我想了好耐要如何處理,其實我的角色不是基,只是飲醉酒,我拍攝時無飲酒,靠演技搭夠,導演經常說very good,其實未收貨,要做到well done才可以,他要求好完美」。

吳卓羲也大讚導演專業,「即使聽不懂香港演員講廣東話對白,但每次拍之前都陪我們圍讀,了解我哋場戲講什麼」。他稱今次與張家輝對手戲不多,之前一起宣傳時,彼此已約定找機會再合作。