陳貝兒赴尼日亞利拍《嫁3》勁驚險:曾發生四屍命案... (13:21)

文章日期:2019年04月22日

由陳貝兒主持的《嫁到這世界邊端》近日又添食,拍到第三輯,陳貝兒和工作人員日前已出發到尼日利亞,不過當她在當地採訪港女人妻,才得悉附近曾發生四屍命案,屍體更被斬件示眾,陳貝兒說在社交網說:「被提醒過好多次千其(祈)千其(祈)唔可以一個人出街、特別係入夜後。真係有咁危險嗎?

一落機,嫁到尼日利亞嘅港女人妻就話,早兩日佢屋企附近發生左(咗)單四屍命案,屍體更被斬件示眾。原因就只係為左(咗)一啲小糾紛。

到埗幾日,呢邊各樣情況都真係比我預期嘅更困難。被提醒連刷牙都唔好用水龍頭水,要用樽裝水...然後又會隨時斷水斷電。

拍攝過程好嚴竣,尋(噚)晚我地(哋)夜晚10:30pm收工返到酒店,然後好快收拾一下行李,凌晨03:30am又要再出車坐7個鐘車入尼日利亞東部地區拍攝。

剛剛出車前又再被人妻提醒唔可以喺車上面玩電話,因為天仲係黑嘅,外面嘅人見到入邊有電話燈會知道入面係有電話嘅「有錢人」、同埋啲電話燈會照到我地(哋)係外國人,佢地(哋)就會唔知想對我地(哋)做啲咩...

而我地(哋)要天未光晨咁早出發係因為想避開怕路上可能會遇到嘅意外。呢度彷佛係一個一出街就可能會遇到意外嘅國度。每日都要好小心。好難想像有港女會肯嫁到過黎呢度。 做乜要嫁到咁遠呢? #放心 #我地(哋)有荷槍實彈嘅軍裝警員24小時保護 #嫁到這世界邊端3 #做乜要嫁到咁遠 #非洲 #尼日利亞 」

(即時娛樂)