【明報專訊】迎接新年,當然要預備各式美食,除了例牌的年糕油角,想搞點新意?不如DIY賀年曲奇啦!用上得意可愛的豬仔造型,再配上好意頭的字句,即時散發濃濃的節日氣氛。加上製法簡單,小朋友也可以一起參與,是絕佳的親子活動。
文︰許朝茵
小模特兒︰Janice Fung
讓子女自由發揮
今次Ching Ching Kitchen創辦人李逸程Cherol便示範了兩款豬形牛油曲奇,製作過程需時約1小時,做法不難,小孩子也可應付。唯一是把麵糰搓成豬頭、豬手及豬耳時,小朋友未必能掌握比例,或需要家長幫忙。其他步驟,例如以食用色素畫上豬眼,Cherol建議家長,大可讓子女自由發揮,「小朋友未必畫得很工整,但他們創意無限,見過有小朋友畫上3隻眼,都好有趣」。
至於儲存貼士,Cherol透露,若將曲奇放入密實盒,存放在室溫下,可保存1星期,入口依然香脆,放入雪櫃則可保存兩星期。
■賀年曲奇
材料:
˙糖霜……20克
˙牛油……50克
˙低筋麵粉……75克
˙天然食用色粉
紅麴粉、櫻花粉……適量
˙朱古力或皇室糖霜……適量
(放入擠花袋作裝飾)
■製作方法:
(1)把麵粉逐少加至牛油中,用匙羹混合,慢慢搓勻後,成為一個原色麵粉糰。
(2)把麵粉糰切成兩份,分別加入粉紅色和深紅色食用色粉,要訣是把麵粉糰搓爛至裂開,讓色粉融入其中。
(3)深紅色粉糰切開4份,逐份放在牛油紙上,再以牛油紙覆蓋,用擀面棍壓平後,四邊切齊成正方形。
(4)粉紅色的粉糰切成6份,其中2份再各分成3小份及1大份,3小份當中2小份搓成三角形作為豬耳,餘下的1小份和1大份搓扁成圓形,作為豬頭及鼻;另外4份,各分成5小份及1大份,其中3小份以同樣方法搓出豬耳及鼻,額外2小份則搓為圓形作豬手,餘下的1大份就是豬頭。
(5)在粉紅色大圓粉糰頂部,放上倒三角形的豬耳,之後用牙籤輕按一條坑紋,增加立體感,在豬頭近中央位置加上鼻子,用牙籤輕印兩個小孔作鼻孔,豬頭造型已完成。另一款則在底部放上豬手,以及加上深紅色的部分。
(6)放入預熱焗爐,以170℃熱力焗15分鐘。
(7)用朱古力作顏料,替豬仔畫上雙眼;再用其他食用顏料在深紅色曲奇餅寫上喜慶字句。
[Happy PaMa 教得樂 第227期]