7月1日嘅回歸紀念日賽馬，「巴基之星」創出「輸在起跑線」變「贏在終點線」嘅大奇蹟戲碼而一舉成名！經過抖暑2個月之後，「巴基之星」又嚟啦，佢今日喺沙田馬場再一次施展大墮後變跑第一嘅「大奇蹟」賽果，贏得馬迷同網民熱烈掌聲。
相關報道：【短片】輸在起跑線贏在終點線 賽馬「巴基之星」完美示範 馬迷激讚
「巴基之星」今日喺唞暑後首次重上賽道，參與第10場1400米草地賽，繼續同上次拍檔、騎師蔡明紹拍住上，呢個黃金組合一早已吸引到馬迷關注。開跑前，「巴基之星」已被捧為1.7倍大熱門，即投注10蚊者，如佢跑第一，馬迷連埋賭本只可收回17蚊。
萬眾矚目嘅「巴基之星」繼續保持自己「特色」，一開閘即大墮後，徘徊包尾位置，不過粉絲就驚都未驚過，見識過佢上次驚人表現，就算落後一陣都唔擔心。最後直路先係「巴基之星」嘅舞台，只見佢過吓一個、過吓又一個，一條直路就追過13匹馬衝線贏得冠軍，再次表現佢「大奇蹟」跑法嘅絕技。
喺現場再次直擊奇蹟嘅馬迷拍爛手掌，唔少人仲大讚佢有馬王風範添。
相關字詞﹕編輯推介 emily online 巴基之星